Pagtatakipsilim by Nyreen Mae R. Atienza, IV-A
Lumbay ko’y labis-labis,
Puso’y lubhang nahahapis.
Diwa ko’y naglalakbay sa lalim ng karagatan,
Hinahanap ang mga kasagutan sa mga katanungan.
Di mawari ang nararamdaman,
Ng puso kong nagugulumihanan.
At tuluyang nahulog sa bangin ng kawalan,
Ang puso kong tila napag-iwanan.
Bakit nga ba nagkanito,
Ang dati kong makulay na mundo?
Ako nga ba’y kabilang pa sa inyong paraiso,
O muling nag-iisa sa aking magulong mundo?
No comments:
Post a Comment