Ang Pagsubok ni Patrick B. Hernendez

Eto ang una kong Maikling kwentong gagawin, haha, kasi nman requirement namin ito sa filipino 102, ayan, mejo nahihirapan ako kaya si Patrick nalang ang pinaggawa ko. ako pa, haha, lakas ko dun,, kahirap eh.. hahaha

"Sinasabing ang buhay ay pakikibaka. Sa mahabang paglalakbay patungo sa katuparan ng mga pangarap ay maraming hadlang upang makamit ang tagumpay. Maraming pagsubok ang nakaabang, kayat kailangang maging matatag at huwag mawalan ng pag-asa."



"Inaakala kong hindi ko na makakaya, pero nagkamali ako"

Si Matt ay isang anak ng dating nanunungkulang pangulo ng ating bansa. Maaga siyang nangulila sa pagkawala ng kanyang ina dahil sa mga krimen sa ating bansa.Mula pagkabata ay sila lang dalawang mag-ama lang na sa Pado ang magkasama, at mula rin nito ay lubos ng humahanga si matt sa kanyang ama dahil sa taglay nitong katapatan at dedikasyon sa kanyang tungkulin.Subalit kahit kailan may hindi pumasok sa kanyang isipan na sundan ang mga yapak ng ama dahil sa takot at kawalan ng tiwala sa kanyang sarili. nagkaroon lamang ng isang napakalaking pagbabago nang.
Nagsimula ang am ni Matt na si Pado na tumakbo sa panunungkulan, una sa pinakamababang tungkulin. Naging konsehal muna siya ng kanyang barangay sa Poblacion Muzon. Ang dedikasyon niya ay higit pa kaysa sa kanilang kapitan. gusto niyang matuwid ang nalilihis na direksyon sa pananaw ng mga tao tungkol sa pulitika. Sa mga panahong ito unti-unti pa lamang lumalaki ang kanyang anak na si Matt. Mula noon ay namulat na si Matt ang anyo ng pulitikang tumatakbo sa kanilang bansa-kasalanan na gustong mabago ng kanyang ama. Kasabay ng pagpasok ng ama ni matt sa pulitika ay naging ganoon din kabilis ang paglaki ni Matt. Si Matt ang nagsisilbing inspirasyon ng kanyang ama upang matamo ang pangarap niyang pangulo. Alam ni Matt ang matinding pangarap na ito ng kanyang ama. Isa nga sa nakakagalak na pangyayari sa buhay ni Matt ay ng tumakbong kapitan ang kanyang ama at siya ang namigay ng tarheta nito sa mga tao, na naging dahilan upang maging kilala siya sa kanyang barangay.
Muli ay nanalo si Pado sa pagkakapitan lahat ng bisyo at sugal ay nagawa niyang maalis. Dahilan ito upang makilala sa ibang mga bayan. subalit sa kabila nito hindi siya lubos na nasiyahan. Ninais niya na sumunod sa kanyang mga yapak ang anak na si Matt.Subalit kailanma'y hindi niya ito nakitaan ng pananabikna pumasok sa pulitika dahil sa takot at kawalan ng tiwala nito sa kanyang sarili.
Si Matt ay gaya pa rin ng kanyang ama, matalino, masipag , matiyaga na angkop para pumasok at sumunod siya sa yapak ng kanyang ama. Ang kahinaanlang ay takot siya sa mga bagay bagayat hindi siya marunong magtiwala sa kanyang sarili. Ang lamang niya ay mag-aral ng mabuti dahil sa inaakala niyang maaring mapasaya ang kanyang ama subalit mali ang kanyang iniisip. Gayundin ay wala siyang pinararaang babae sa kanyang buhay dahil sa inisip nitong makakadagdag lamang siya sa ng problema.
Naging mabilis ang paglipas ng panahon, kasabay ng pagbilis ng pag-angat ng katungkulan ng kanyang ama. Dahil nga sa taglay na katungkulan ng kanyang ama ay naging kilala ito sa buong bansa, maging ang kanyang anak na si Matt na lagi niyang kasama.Ngayon ay abot kamay na ng ama ni Matt ang kanyang pangarap, ngayon ay tumapak na siya upang tumakbo sa pagkapangulo. Hindi labag sa kalooban ni Matt na maraming ginagawang pandaraya ang magiging kalaban ng kanyang ama sa pulitika at alam din niya na kaya tumakbo ang kanyang ama sa pagkapulitika ay upang maituwid ang gobyerno sa maraming katiwalian dito. Minsan ngay pinagsabihan ni matt ang kanyang ama na wag nang ituloy ang laban, subalit labis siyang humahanga dito ng buong tapang siyang sinagot nito na itutuloy niya ito. Sa haba ng panahon na lagi siyang kasama sa laban ng kanyang ama ay tila pumasok na rin siya sa pulitika. naranasan na rin nilang matalo dahil sa pandarayang ginawa sa bilangan, namili ng boto ang kanyang kalaban na naging dahilan ng pagkatalo nito. Natakot si Matt na muli itong magyari. Labis siyang nagdaramdam pang matalo ang kanyang ama. hindi naman nagkulang ang kanyang ama na paalalahanan ito na talagang ganoon, subalit ang takot ni matt ay hindi nawawala.
Sinamahan ni Matt ang kanyang ama simula umpisa at hindi niya ito iniwala hanggang sa "Pado Herriola is our new Presedent"
Napakasaya ng kanyang ama dahil sa wakas ay naabot na niya ang kanyang pangarap na naging pangulo ng bansa, hindi siya natatakot sa kanyang kalaban na alam nilang nandaraya at pumapatay kung kinakailangan. Ganoon din at labis na nagagalak si Matt sa mga pangyayari.
Laging inaalala ni Matt ang kalusugan ng kanyang ama dahil na rin sa may katandaan na ito. Lumipas nga ang isang buwan ng panunungkulan ng ama ni Matt nagkaroon ng malubhang sakit na naging dahilan upang magbitiw ito sa kanyang panunungkulan. Labis ang naging kalungkutan ni Matt. dito ay harapang sinabi ng kanyang ama na ipagpayuloy ni Matt ang kanyang nasimulan. Ang kalungkutan kanyang naramdaman ay nagpausbong upang ituloy ang laban ng kanyang ama na hindi man lamang niya naisip na mangyayari sa kanya.
Sa gitna ng kanyang kalungkutan ay biglang pumasok ang isang babaing nagngangalang Ging sa kanyang buhay. Si Ging din ang naging dahilan upang natutunan niyang magtiwala sa kanyang sarili. Sa haba ng kanyang pinagdaanan ay hindi inaakala ni Matt na magmamahal pa siya. Sa Maikling panahon ay natutunan nilang magmahal sa isat-isa. Bunga nito ay nawalan ng takot sa dibdib ni Matt dahil ngayon ay may inspirasyon na dumating sa kanyang buhay upang sundan ang yapak ng kanyang ama.
Kasabay rin nito ay naging mabilis ang paggaling ng kanyang ama dahil din sa pagbabago sa ilan sa mga katangian ni Matt.
Nang nagbitiw ng panunungkulan ang kanyang ama ay nasaksihan niya ang marahas na pamumuno sa gobyerno. Naging laganap ang krimen at kurapsyon maging nga patayan sa kanilang bansa. Halos ang buong pulitika sa bansa ay nahaluan ng karahasan . Tumagal din ng halos 3 taon ng paghihintay ni Matt, hanggang ang sa muling halalan ay dumating.
Kasama ni Ging ang kinaharap ni Matt ang kanyang mga takot. Ngayon ay desidido si Matt na sundan ang yapak ng kanyang ama dahil na rin sa mahabang pagsama ni Matt sa kanyang ama sa pulitika ay nakilala siya bilang huwaran, matiyaga, mabuti, mapagkakatiwalaan at alam niyang hindi siya masyadong nahihirapan sa kanyang pagtakbo. Dahil dito napagdesisyonan man niyang tumakbong pangulo upang maipagpatuloy ang naudlot na panunungkulan ng kanyang ama. Nasambit ni Matt sa kanyang sarili na "gagawin ko to alangalang sa ama ko at sa taong mahal ko para sa kapakanan ng lahat ng tao". Hindi ginamit ni Matt ang anumang pandaraya sa kanyang pagtakbo, lumaban siya ng malinis ang kalooban, kasama ang mga taong nagpapalakas ng kanyang kalooban.
Halos napaiyak si Matt ng lumabas ang resulta ang eleksyon. Hindi siya makapaniwalang siya ang nahalal na pangulo. Ngayon ay napatunayan niya sa kanyang sarili na makakaya niyang gawin ang isang imposibleng bagay na inakala niyang hindi niya magagawa. Maging ang kanyang ama ay napaiyak sa galak, anlam nito ang taglay na potensyal ni Matt upang pamunuan ang bansa, alam niyang magkakaroon na ng kalinisan ang pulitika at mawala ang mga korupsiyon na naiwan ng natalong presidente. Ang takot ni Matt na pumasok sa pulitika ay ngayo'y isang alaala na lamang.
Sa araw ng proklamasyon ni Matt, kung saan nangako siya sa kanyang tungkulin, sa harap ng lahat ng tao, ay doon din naman niya niyayang nagpakasal ang kanyang kasintahan na si Ging na isa ssa nagsisilbing inspirasyon niya. alam ni Matt kung anong klaseng buhay mayroong sa pulitika hindi na siya natatakot dahil maraming tao ang nakaagapay sa kanya. Sa mga araw na ito ay tila ang hindi malilimutang sandali sa kanyang buhay. Higit kaninu man si Matt ang naging pinakamasayang tao nang araw na iyon.Sa araw di ito ay binigyan ni Matt ng parangal si ging at ang kanyang ama na naging dahilan upanag matuto siya sa buhay.
Sa taon ng kanyang panunungkulan ay nawala lahat ng krimen, korupsiyon at nagkaroon ng kalinisan sa loob ng gobyerno.
Halos umikot ang buhay ni Matt sa pulitika kasama ang kanyang ama at si Ging ang kauna unahang babaeng minahal niya.
Ngayon at kasarado na natin ang libro ng kabanata sa buhay ni Matt sa kasabihang,
"Losser Let things happen, Winner Make things Happen"

Miliminas: Taong 0069 ni Nilo Par Pamonag salin ni Ruby V. Gamboa-Alcantara mula sa "Miliminas: Tuig 0069" Buong SANAYSAY,,

Nakita ko itong sanaysay na ito nung magbuklat aq ng aking libro last month, Finally natapos q rin ito. hehe, hay salamat... sana magustuhan nyo itong sanaysay na ito. nakakapagod magtype. hahaha.. pasensya na kung mejo mali mali ha, hehe, kahirap kasi magtype eh, paki edit nyo nalang.







Miliminas, ito ang pangkat ng mga pulo na matatagpuan sa kalagitanaan ng Dagat Pasipiko bago pa nagkaroon ng malaking pagbaha. Ang pangkat na ito ng pulo ay binubuo ng higit sa 7,200 mga pulo.

Ang Miliminas, ito ang tawag sa mga mamamayan ng nasabing kapuluan, ay katulad din natin ang mga balat at hitsura. Ang kanilang pananalita ay katulad rin sa atin. Ngunit dahilan sa nahuhuli sila sa sibilisasyon may mga pag-uugali sila at pagsasalita na kaiba rin sa atin.

Mik ang tawag sa kanilang pera. At tawag nila sa isang taong mayroong isang milyong mik, o higit pa ay mikinaryo. Sa pagbibihis malaki ang pagkakaiba natin sa kanila . Ang kanilang tawag sa pormal na damit para sa mga babae ay ang katumbas sa atin ngayon na bathing suit at kamiseta at korto para sa lalaki.

Para mapangalagaan ang kanilang moralidad sa pagbibihis, may batas silang ipinatutupad na hulihin ang sinumang magdaramit ng mahaba pa sa sa mini-skirt at micro-skirt.

Ang upuan sa kanilang mga sasakyan ay nilalagyan ng kiluhan upang masukat ang timbang ng mga pasahero dahil ito ang pagbabatayan ng kanilang pamasahe. Ito ang tinatawag ng kanilang Public "DiserviceCommission" na equality before the kilo.

Tungkol naman sa pamamalakad ng trapiko ay may ordinansa sila na nagpaparusa sa mabagal magpatakbo. Ang kasalanan ng mabagal magpatakbo ay tinatawag na not overspeeding.

Maayroon din silang serbisyo sa tubig na tinatawag na Nawasdak. Ang ahensyang ito ay may 3 uri ng tubo. Ang una ay nilalabasan ng Malinis na tubig; ang ikalawa ay nilalabasan ng Maruming tubing; at ang ikatlo, walang tubing kundi Hangin lamang. Nakapagtataka? Ito ang pag-uuri ng Quatwasdak; Ang gripo na may malinis na tubig ay mahal ang bayad at para sa mayaman lamang; ang may maruming tubig, para sa lahat ng marunong magtrabaho o kung mayaman naman, gustong magtrabaho; at ang pangatlo, para sa mga mahirap at ito ay walang bayad.

Mayroon ding nagmomonopolyo ng kuryente. Ito ang Patay Electric Company. Tatlo rin ang uri ng serbisyo nito sa publiko. Ito ang Light Service, Brownout Service at Blackout Service. Ang Light service ay nagbibigay ng ilaw sa araw at gabi. Ang Brownout service ay nagbibigay ng ilaw kung hindi mo kailangan at mawawala kung kailangan mo ang ilaw sa pagkain ng hapunan at pagbabasa kung gabi. Kung gusto mo lang ng pangdekorasyon, ang dapat mong ipakabit ay iyong Blackout service.

Ang mga sidewalk sa kanilang lungsod ay higit na malalapad kaysa sa atin. Bakit nga ba? Ang dahilan ay sapagkat ang mga bazaar ang umuukupa ng mga sidewalk at ang mga nagtitinda ng sigarilyo at kung anu-ano ang siyang umuukupa ng mga kwartu-kwarto na kung sa atin ngayon ay mga bazaar. At sabihin pa, ang mga may-ari ng mga bazaar ang hinuhuli ng mga pulis sa kanilang pagtitinda sa mga sidewalk.

Ang mga opisyal sa bansa na tumaba habang sila ay nasa serbisyo ay pinapatawan ng sala o akusasyon sa kanilang mga resolution, genuine na mga batas , at iba pa.

Upang mapagkatiwalaan ang mataas na opisyal ng bansa, itinatag ang anti-genuine commission para sa paghuli ng mga nagpaparami ng pag-aari o tumatanggap ng mga lagay na genuine, tulad ng genuine na resolutions, genuine na pera, genuine na batas, at iba pa.

Ang pinakamalaking tindahan ay tinatawag na Super Blackmarket. May pintura itong itim. Dito ipinagbibili ang mga bagay na ngayon ay ipinagbabawal tulag ng busil na sigarilyo, apyan, mga bagay na ninakaw, at mga ipinagbibiling pekeng bagay. Ang mga genuine na bagay ay ipinagbibili ng patago at tigkakaunti lamang dahil laging hinuhuli ng mga alagad ng katiwalian ang nagbebenta ng mga ito at kinukumpiska pa ang kanilang mga paninda. Katiwalian ang tawag nila sa kanilang batas, at ang nagpapatupad nito ay tinatawag nilang alagad ng katiwalian.

Ang mga baril ng mga alagad ng katiwalian ay paltik. Dahil sa ang nag-aari
ng lisensyadong baril ay hinuhuli at pinapatawan ng salang illegal possession of genuine firearm.

Sa panahong ito ay uso rin ang kickback na kaunti lang ang ikinaiba sa ating tinatawag na kickback ngayon. Ang mga buwaya ng bansa (ito ang tawag sa mga mataas na opisyal sa pamahalaan) ay sinisipa sa likod para sa bawat gatas o milk na tanggaping suhol sa kanyang mga transaksyon. Ang mga buwaya ng bansa ay tumitigil sa pagpapasipa kapag makapal na ang kanilang likod dahil ito ang magiging isang batayan sa pagpili ng isang "Outstanding Buwaya of the Year".

Dalawang klase ng batas ang ipinalabas ng kanilang batasan na tinatawag na "Circus of Miliminas". Ang isang batas ay para sa mayaman at ang isa ay para sa mahirap.

Ang mga alagad ng bansa ay maliit lang ang sweldo pero malaki naman ang kanilang maaaring gastusing representasyon.

Ang mga mamamayan ng Miliminas ay masyadong relihiyoso. Tatlo ang paborito nilang santo- ang mik (ang pera mismo), ang buwaya, at si Santasa, isang taong may sungay at buntot katulad ng tinatawag natin ngayong satanas. Ang pinakamalaking kasalanang magagawa ay ang hindi pagpatay, hindi pagtataksil sa asawa at hindi pag-angkin sa yaman ng iba, pagkaawa sa mga mahirap at hindi pagbibigay ng anumang hingin sa kanila ng mga buwaya ng bansa.

Ang mga malaking transakyon ng pamahalaan ay pinagkakasunduan sa ilalim ng puno, at tinatawag nila itong shady transactions. Ang iba naman ay binubuo sa ilalim ng mesa ng mga opisyal ng pamahalaan. Dahil dito, ang mga mesa ay mataas para hindi mauntog ang ulo ng mga opisyal kapag sumusuot sila sa ilalim nito.

Ang mga hues de pas natin ngayon ay tinatawag nila na hues de paupas. Parang nakakatawa, ano? Pero iyan ang katotohanan. At isa pang nakapagtataka, ang ginugwardyahan ay ang mga walang kasalanan. Bakit ganoon ang pamamalakad ng hustisya rito? Iyan ang batas. At ang balak ay mapili ng hues de paupas kung sinu-sino sa mga mamamayan ang palaaway at eskandaloso at sino ang mababait. Pagkatapos ng bista at bumaba na ang hatol, ibinibilanggo ang mga walang sala upang ihiwalay sa maraming mga nakakalayang masasamang tao. Sabihin pa, malalaki ang bilangguan dito at kumpleto sa mga kasangkapan kaysa sa labas. Ang lahat ng bilanggo ay tinatawag na VIP (Very Important Prisoner).

Kung tungkol sa sistema ng pagpili ng mga opisyal, ibang-iba sa atin. Simula pa lang ng kampanya, magkaharap na sa entablado ang magkakalaban sa pulitika. Nagbabatuhan ng utik. Sa atin ngayon ang mudslinging ay pasaring lamang sa mga talumpati samantalang sa kanila ay talagang ginagawa. Ang bawat kandidato ay dapat magsinungaling, magmura, mambato ng putik sa kalaban, mangako ng mga hindi matutupad, dahil kung hindi nya ito gagawin ay pawawalan ng bisa ang kanyang kandidatura ng komisyon ng kalokohan, ang ahensyang namamahala sa eleksyon. Sa araw ay namimili rin ang tao ng iboboto kahit na ang isinusulat sa balota ay hindi na nila pinag-iisipan. Ang inisip nila ay ang naipon na bala ng mga kandidato, at mga napatay ng kanilang mga kampon, at ang may pinakamaraming pera. Ang kanilang ibinoto ay tinatawag na ibinoto sa bala at hindi ibinoto sa balota.

Ang mga pulitiko at ang kanilang mga kampon ay hindi natatakot mapatay at pumatay sa panahon ng kampanya at eleksyon dahilan sa kanilang paniniwalang ito ang magdadala sa kanilang kaluluwa sa impyerno kung saan mabubuhay sila nang maligaya kasama si Santasa, ang kanilang paboritong santo.

Ang Eleksyon ay tuwing ikalawang taon. Kung gayon ay masasabi natin na madaling maubos ang mga mamamayan dito kung madali ang patayan sa panahon ng eleksyon. Subalit nababawi rin ito ng imbensyon ng isang bantog na baliw(ito ang tawag nila sa kanilang henyo) na nakabuo ng isang tabletang kung iinumin ng mag-asawa ay magkakaanak ang babae ng isang instant baby, na ipinagbubuntis sa loob lamang ng dalwampu't apat na oras.

Napakadali ng pagpapalit-palit ng kapangyarihan sa MIliminas. Patuloy pa rin ang pag-iral ng mga bayang kontento na sa klase ngpamamalakad dito na sa panahon ngayun ay masasabing kabaligtaran ng mga pangyayari. Ipinagmamalaki pa ng matatas ang katungkulan sa pamahalaan ang pagsasamantala sa kabuhayan ng mga mamamayan. Ang bagong Milimino, ang mga bayaning gumagala sa kapuluan, sila ang magigiting na tumanggap ng mga papuri na maririnig mo sa bibig ng nakaraang administrasyon. At sinu ang kanilang pinagtutungkulan? Ang pinagtutungkulan nila ng papuri ay mga ismagler, mga namomorsyento, mga kickback artist, mga mayamang nag aapi sa mga mahirap, mga nang-aagaw ng lupa ng may lupa, mga alagad ng katiwalian na nang-aabuso sa mga mamamayan, mga hues de paupas at mga pislak(piskal) na hindi tumitingin sa kisalp ng espada ng katarungan at timbangan ng katotohanan kundi tumitingin sa kalansing ng pilak at timbangan ng malalakas at maykapangyarihan, mga walang ginagawa sa bayan kundi aksayahin ang kaban ng bansa na sa halip na gamitin ang kanilang katungkulan sa pagsisilbi sa publiko ay ginagamit pa ito sa pangangamkam ng yaman.

Ang ilan sa mga alagad ng bayan na sa ngayon na masasabi nating gumagawa ng mabuti ay nagtatago, nahihiya dahil pinagtatawanan sila ng kanilang mga kasamahan. Hindi lang iyan, kinukutya pa sila, at kung mahuli ng kanilang hepe ay kinagagalitan pa at inaalis sa trabaho.

May ilang kabataang malawak ang pagiisip na tumawag ng isang pulong kung saan ipinaliwanag nila ang kaibahan ng pamamahala na kanilang isinasagawa. Ang kanilang prinsipyo ay humingi ng isang klase ng pag-uugnayan ng mga namamahala at pinamamahalaan. Noong simula ay tinatawanan lamang sila ng mga pinuno. Ngunit ng lumaon ay madame na ang dumadalo sa kanilang pulong, bukod pa sa mga mahirap. Ipinagbawal ng pamahalaan ang pagdaraos ng pulong ng grupong ito ng mga kabataan na tinatawag nilang dungis ng lipunan.

Ang simpatya ng mga mahirap ay nakuha ng mga kabataan. At ang pagbabawala sa kalayaan ng mga ito, at nang lumaon ay pagpatay ng ilan sa kanila, ang naging dahilan ng pagkagalit ng mga mayaman at ng may katungkulan. Sumiklab ang isang rebulusyong lumaganap sa buong kapuluan ng Miliminas.

Bilang parusa sa kanilang dyos na si Santasa, dumating ang isang malaking baha, nagkaroon ng malakas na paglindol hanggang sa pumutok ang isang malaking bulkan sa kailaliman ng dagat sa gitna ng kapuluan na siyang naging dahilan ng paglalaho ng Miliminas sa sanlibutan.